Мордовиясь вейсэнди «Ледстнемань умарьпире» акциянтень (эрзя)
анжиковонь 3-це чистэ Зубова-Полянань буесэ юты «Ледстнемань умарьпире» акция. Те чистэ Ине Отечествань войнасо улицятнень ды специальной военной операциясо откертнень ледстнемга путовить пичень 4 тёжат касовкст. Экологиянь-патриотизмань мероприятиясь карми ютавтовомо Мордовиянь вирень ванстомань весе таркатнесэяк. Сонзэ лувсо путовить 36 тёжат од чувтот.
Ледстясынек, «Ледстнемань умарьпире» эрьва иень ветеце акциясь Россиясо ушодовсь эйзюрковонь 18-це чистэ. Юты сон Россиянь Президентэнть Владимир Путинэнь кармавтомга. Эрьва ие тунда масторонок келес ды омбо масторсо Ине Отечествань войнань иетнестэ эрьва чавовозенть ледстнемга путовить 27 миллионт чувтот. Вейсэндямс акциянтень мереви садпамяти2024.рф, официальной сайтсэ, интерактивень картасонть эрявикс региононь ды маласо улиця таркань кочказь. Весе эрявикс кедьёнкстнэ ды путомань материалось максовить таркасо. Мероприятиясь анокстазь «Ледстнемань умарьпире» АНО-нть Россиянь Минприроданть ды вирень хозяйствань Федеральной агентстванть марто вейсэ «Экология» раськень теварсевксэнть лувсо, истяжо Изнямонь полконь ветицятнень ледстнемань Фондонть, «Изнямонь волонтёрт» ды «Вирень волонтёрт» весе Россиянь общественной молематнень марто президентэнь грантонь лезксэнь Фондонть кирдеманзо вельде.