Мордовиясь васенцекс ПФО-са кемокстазе казачествань движениять касоманц-виияманц коряс планть маластонь кафта кизотненди (Мордовия одна первых в ПФО сформировала план развития казачьего движения на ближайшие два года) МОКША
2012-це кизоня Россиянь Президентсь кемокстазе «Российскяй казачествать коряс государственнай политикань Стратегиять 2020-це кизоти молемс». Мордовиясь фкясь ся аймакнень эзда Приволжскяй федеральнай округса, коса примаф документ, конанц эса оцю мяль шарфтови минь ширесонк казачествать касоманцты-виияманцты. Эзонза сувафтф эрь кодама тефне и илатне кармайхть ётафневома маластонь кафта кизотнень.
Васенце казаконь обществась Мордовияса кочкафоль 2011-це кизонь сентябрь ковста. Тя пингста казакне тисть лама цебярь тевда. Синь вятихть оцю военно-патриотическяй работа оттнень ёткса. Саранскяень кой-кона школатнень видеса нльне кочкафт казаконь класст.
Национальнай политикань коряс министерствась эсь ширденза надияфтсь, што кармай тиендема семботь, штоба касфтомс-виияфтомс казаконь движениять минь аймаксонк. Тяда башка, Республикань Оцюнять видеса кармай кочкаф Совет казакнень тевснон коряс.
Стратегиясь, конанц кемокстазе Россиянь Президентсь арьсеф 2020-це кизоти молемс. Сонь васенце целец — штоба российскяй казачествась кемоста араль пильге лангс.