Мордовиянтень максовить субвенцият (ЭРЗЯ)
Мордовиянтень сы иестэнть максовить субвенцият 111 миллионт 936 тежат целковойть. Сынь туить башка категориянь ломантненень лекарственной препаратонь, медицинской изделиянь ды лавшо шумбрачи марто эйкакштнэнень башка ярсамопелень рамамос. Эрявикс кармавтоманть сермадстызе Россиянь Правительствань Прявтось Дмитрий Медведев, сон печатазь ведомствань официальной сайтсэнть. Истяжо республикантень явовить 18 миллионт целковойть 2017-це иестэ медицинской роботниктненень ве шкань компенсациянь пандомга. Закононть коряс, 1 миллион целковой пандови медицинской роботникентень, бути сонзэ ули высшей образованиязо, иензэ ведьгеменде аламо ды сон сась роботамо велев.