Мордовиянтень – 87 иеть! (ЭРЗЯ)
1930-це иень якшамковонь 10-це чистэ ВЦИК-ень Президиумось лиякстомтызе Средневолжской краень Мордовской округонть Мордовской автономной областекс, прявтошокс ладязель Саранскоесь. «Автономиянь теемась кармась улеме историянь покш тешксэкс, сон лездась экономикань, культурань кастомантень, — тешкстась поздоровонь валсо Мордовия Республикань Прявтось Владимир Волков. – паро, што минь вастано те покшчинть эрьва кодамо сферасо неявикс топавтовкс марто. Весемесь те тееви республикань эрицятнень вийсэ. Меельце иетнестэ Мордовиясь яволявты эсь прядонзо, кода политика ёндо стабильной ды экономика ёндо мелень саиця регион. Ояксчисэ тесэ эрить эрьва кодамо раськень ды конфессиянь ломантне. Республикасонок иеде иес касы эйкакштнэнь ламочись, а те корты ломантнень вандынь чинтень кемемадост».