Мордовиянь од ломантне «Сколковасо» (эрзя)
Мордовиянь од содыень командась арсизе-теизе температурань кедьсэ кирдемань технологиянть.
Ледстясынек, «Мордовиянь-Технопарксо» тонавкстнэ ютасть региононь экономикань, микшнемань ды предпринимательствань министерстванть ды «Мой бизнес» Куншкакуронть лезксэст вельде «Малое и среднее предпринимательство и поддержка индивидуальной предпринимательской инициативы» раськень теварсевксэнть лувсо, конань яволявтызе Президентэсь ды кона ашти васенце вице-премьерэнть Андрей Белоусовонь вановт ало. Региононь 11 теварсевкстнэнь цётамотнень ваннозь мерезель сюпалгавтомс эсенек стартаптнэнь ды ливтемс сынст од сэрьс, невтемс топавтовкстнэнь ды сатовкстнэнь.
Участниктненень лездасть резидентэнь лемень максомасо, анокстазельть инвестортнэнь ды профессиональной эксперттнэнь марто вастовомат, конат лездасть арсевкстэнь кепетемасо ды бизнесэнь кастомасо. «Школа стартапов Сколково» участниктнень эйстэ вейкесь — Владимир Бутузов.
Сонзэ командась тейсь микрокапсулань юрсо фазань ютамо марто кодстонь кедьёнксонь температурань кирдемань эсензэ технология. Те кедьёнксось саи лембенть, зярдо тыненк тееви пси, ды нолдасы таштазь лембенть, бути температурась валги. Тевс нолдавиця технологиясь кирди свалшкань температуранть, а нолды эждявоманть эли якшавтоманть, пачти Мордовясто од содыезь. Тонавтомань лезксэнть вельде Мордовиянь нанотехнологиянь ды наноматериалонь региононь Куншкакуронь теварсевксэсь редязель Московсо ды Московонь ёнкссо. Цётамось — масторонок аволь кодстонь кедьёнксонь нолдамонь прявт теицятнень марто важодемань ветямось. Теварсевксэнь эрямос совавтомась температурань кирдиця сурень «превей» кодстонь лувонь кастомасо панжи од кить, конат лездыть теемс оршамопелень тонадомань кирдат, вишкалгавтомс лембень кандыця кирдантнень эчкелманть ды зяроксть кастомс оршамопелень парочинть. Стартапонь школась лездась ветямс теварсевксэнть превс, сон теевсь содавиксэкс, минденек кармасть кортамо.
Эряви тешкстамс, «Сколково» тонавтомань теварсевксэсь тонавты технологиянь стартапонь чаво таркасо теемантень, акселератортнэ путыть питне сонзэ икелень шкантень, а участниктненень мереви тердемс эсест теевкстнэнь нолдамос инвестицият.