Мордовиянь культурань «Россия» форумсо (эрзя)

«Россия» Раськеютконь невтемасо-форумсо ютасть «Минек культуранок» раськень топавтомань Форумонь покшчить. Пленарной сессиясонть, конань ветизе РФ-нь культурань министрась Ольга Любимова отраслянь представительтне кортызь культурасо прявт цётамотнень ды топодематнень. Мель явозель иториянь ледстнемань ванстомантень, од ломантнень марто важодемантень ды волонтёронь тевень кастомантень, театратненень, музейтненень лездамонтень.
Башка мель явозель «Культура» раськень теварсевксэнтень, кона лездась нолдамс масторонок культурань тевкадовксонтень Россиянь миллионт эрицят. РФ-нь культурань министерствань павильонсо «Варма» этно-арт-театрась невтизе «Од варма» эсензэ проектэнть. Республикань стендсэнть истяжо ютасть мазыйть ды мелень салыця мероприятият.
Инжетнень туртов морась «Гаиги моро» фольклоронь морокурось.Инжетне содавтовсть кружувань ды стансо понань карьксонь кодамонь тевтнень марто, неизь Н.П. Огарёвонь лемсэ МГУ-нь раськень культурань Институтонь оршамопелень невтеманть.
Истяжо анокстазельть интерактивень ды хореографиянь невтемат.
Теде башка, тематикань чинть лувсо, важодемадонзо ёвтнесь МР-нь някань Государственной театрась. Истяжо артисттнэ ютавтсть няка марто важодемань коряс мастер-класс.