Мордовиянь эрицянть теварсевксэсь финалсо (эрзя)

Мордовиянь эрицясь Елена Алексеева лиссь «Мама-предприниматель» программань финалс. Программань казненть кис кармить пелькстамо 30 сехте вадря теварсевкст. Елена Алексеева содавтынзе жюрис совицятнень эсензэ проектэнть марто, кона сюлмазь архитектурань ды макетированиянь анокстамонь курсатнень марто сеть тонавтницятнень туртов, конатнень ули мелест тонавтнемс ВУЗ-со.
Ледстясынек, республикасонок пелькстамонь ютавтыцякс «Малое и среднее предпринимательство» раськень теварсевксэнть лувсо, кармасть экономикань, микшнемань ды предпринимательствань Министерствась ды «Мой бизнес» Куншкакурось.
«Минь содавтовинек 100 ламо проекттнэнь марто. Финалс лиссть 30, конатнень эйстэ малав весе социальной ёнксонь кандыцят. Ацамковсто эрьва пелькстыцянтень максовить содамочить ды компетенцият ды сынь кармить пелькстамо бизнесэнь кастомантень прявт казнетнень кис – вейке миллион, 500 тёжат ды 250 тёжат целковойть. Истяжо аноксатви спецприз», – тешкстызе РФ-нь экономикань кастомань министрань полавтыцясь Татьяна Илюшникова.