Мордовия Республикась раськеютконь ояксчинь невтевкстнэнь коряс рейтингень лидер. (ЭРЗЯ)
Ванстомань федеральной службань ютазь иень коряс цетамотнень ванкшномга, региононок ломантнень 93 процентнэ ловить ламо раськетнень ютксо чарькодемасо эрямонть парокс. Республиканок путы ламо вийть регионсонок эриця раськетнень культураст ванстомга ды кепетемга. Тесэ важодить Россиянь раськень Ассамблеянь отделениясь, Россиянь финнэнь-угрань раськень Ассоциациясь, Рав кужонь ф-у раськень культурань курось, «Якташлар» татаронь национально-культурной Автономиясь, Весероссиянь азербайджанонь конгрессэсь, Россиянь армянонь вейсэндявксось, Саранскоень украинецэнь национально-культурной Автономиясь, Саранскоень евреень национально-культурной автономиясь, ошонь казаконь вейсэндявксось, рузонь культурань курось ды ламо лият. Весе неть вейсэндявкстнэ лездыть ванстомс ояксчинть Мордовиясо эриця раськетнень ютксо.