Мордовия Республикась арась пилотнай регионкс, коса эряфс сувафневи ГТО-нь комплекссь (Мордовия – пилотный регион, где реализуется комплекс ГТО)

Кода молихть тефне тя программать пяшкодемаса, тянь колга корхтасть координационнай Советть заседаниясонза. Пуромксть ушетксста республикань ниле райоттненди максфтольхть сертификатт спортивнай оборудованиянь путоманди. Ардатовскяй, Зубово-Полянскяй, Краснослободскяй и Рузаевскяй райоттне арайхть ГТО-нь максоманди центракс.
Ётай кизоть итогонзон коряс доклад тись Мордовиянь спортонь и физическяй культурань министрсь. Сон азондсь мзяра ломань максозь ГТО-нь норматнень, аноклави мероприятиятнень колга. Валонзон коряс, комплексть эряфс сувафтомац моли пяк лац. Ломаттне шарьхкодьсазь ГТО-нь норматнень эрявиксшиснон.
ГТО-нь комплексть эряфс сувафтомац арьсеф сянди, штоба сяда лама ломаньда шарфтолезь мяльснон спортти. Тя мяльсь кайгсь и Советть заседанияса. Пуромксса примасть участия республикань райононь оцюнятнень полафтысна. Марстонь вийса путфтольхть задачат тяддень кизоти.