Мордовия республикань Прявтось Владимир Волков ютавтсь вастовома социальной страхованиянь Фондонь региональной отделениянь прявтонть Людмила Ивановань марто. (ЭРЗЯ)
Вастовоманть лувсо кортазель Мордовиясо анокстамось «Прямые выплаты» пилотной проктэнть коряс, кона карми тевс нолдавомо те иень медьговонь васенце чистэ саезь. Пандомань од системантень ютамось карми кандовомо сетненень, кие важоди трудовой договоронь коряс. Проектэнть юрсо — Фондонь региональной отделениянть ды страховательтнень ютксо пандомань системань полавтовомась. Роботань максыцятне кармить пандомо страховой взностнэнь Фондонь бюджетс весе сумматнень коряс. Людмила Иванова тешкстызе, што 2015-це иенть перть региональной отделениянь фондс ярмаконь кисэ пшкалесть 9 тёжат страховательть. Прямой пандоматнень пингстэ те цифрась касы малав сядо тёжас. Ютазь иестэ страховой пандомас явозельть 387 миллионт целковойть. Пилотной проектэнть тевс нолдамодо мейле те цифрась касы малав вейке пель марто миллиардс. Ней фондонь отделениясо учётсо аштить 19 тёжат страховательть ды застрахованнойть. Важодицятнеде жо 260 тёжадо ламо.