«Мордовия» ГТРК-сь ды «ВАЛ» эрзянь од сермадыцянь курось совавтыть эрямос мелень саиця вейсэнь проект. (ЭРЗЯ)

Умарьковонь 2-це чистэ саезь Мордовиянь радионь толкунтнэсэ кунсолодо «Эрзянь проза ды поэзия» программанть. Покш лем марто, содавикс ды ансяк ушодыця сермадыцятнень шкинемаст ловныть «Вал» курос совицятне.  Эрьва середа ды четверг FM диапазононь 91 ды 2 частотасонть, «Сияжар» радиопередачанть лувсо, 18 чассо 20 минутасо гайги «Эрзянь проза ды поэзия» программась.  Теде башка, весе аудиосермадовкстнэ кармить путозь  «Мордовия» ГТРК-нь официальной сайтс.