«Морденс» национальной арт-фолк оркестрантень 10 иеть! (Национальному арт-фолк оркестру «Морденс» 10 лет) ЭРЗЯ
Невтемс раськенек музыкань шкинеманть лия ендо, неемс весементь — путозь постановкатнень вельде! «Морденс» национальной арт-фолк оркестрась тагояк пурнынзе вейс творчествань вечкицятнень. Тувталось редявикс: коллективентень -10 иеть! «Морденс» национальной арт-фолк группань шкинемань вечкицятне тешкстыть, те концертэсь кармась улеме пек учовицякс! Лисни истя, коллективесь седе сеедьстэ невти ерокчинзэ лия регионсо ды омбо масторсо, косо а весть сайнесть ды сайнить изнямо таркат раськеютконь ламо фестивальсэ. А стяко концертэнь од программась ушодовсь Масторавантень пшкадемадо-озномадо композициясто, конанть невтеманзо кис Швециясо ютавтозь пелькстамосо максозель Гран-При. Концертэнь программась мельстуиця: ашти зярыя пельксстэ. Сонзэ лувс совасть «Эрямонь парь» музыкально-театрализованной представлениясто компзицият. Васенцеде весе бажицятне марясызь рузонь содавикс моротнень неень шкань вановтсо. Течинь чис коллективсэнть 7 ломанть. «Морденсэнь» ветицясь Юрий Буянкин ды режиссерось Андрей Алешкин свал вешнемасот. Лия ёнов а молиця бажамо топавтсть сынь меельце шкасто, весементь аноконть совавтызь од программантень. Раськенек музыкань культуранть лия ёнов а молеманть, кезэрень морамонь койтнень кирдеманть ды неень шкань музыкань ритматнень тевс нолдамонть бажить пачтямс оркестрас совицятне неень шкань ломантнень туртов. Ды эряви меремс, те тевтопавтомась меельце шкастонть муи седеяк домка чарькодема.