Мокшэрзянь театрась. (МОКША)
Мокшэрзянь театраса покодихне ёрайхть сцена лангса кизоста кизос няфнемс Саранск ошень эряйхненди и ширеста саф инжихненди сяда лама минцень кяльса путф постановкада. Эрь театральнай сезонць няфнесы, што ламоса тянь ширде арьсефсь пяшкотькшневи. Тядде, кепотьксонди, путфоль «Эрьванть эсензэ ормазо» Абрамовонь пьесац. Театрась эряй снярда, мзярда актёрне фалу налхкихть сценаса, аф ащихть сатфть лангса. Кизонда, ваймамань пингста, иттненди и синь тядяснон-аляснонды театраса тяфта жа кармайхть макссевома аф эсь лацонь спектаклят, ёфкст. Мокшэрзянь театрась кирди кеме соткст и лия аймаконь театратнень мархта. Серьгяткшнесыне тостонь актёрхнень ширезонк гастрольс, сонць якай эрь кодама постановка мархта. Тя сембось лезды козякофтомс репертуарть, тонафнемс фкя-фкянь эзда. Сяс од театральнай сезонць панжеви мокшень кяльса аф эсь лацонь пьесаса.