Мокшэрзянь народть межрегиональнай общественнай организациянц районнай отделениянзон видеса етайхть кочкаматне (В районных отделениях межрегиональной общественной организации мордовского (мокшанского и эрзянского) народа проходят выборы) МОКША

2014-це кизоня ётась мокшэрзянь народть котоце съездоц. Решениятне, конат примафтольхть сонь работанц пингста тяни сувафневихть эряфс. Ня шитнень ётасть кочкаматне мокшэрзянь народть межрегиональнай общественнай организациянц районнай отделениянзон видеса. Азома ся, што тяниень пингть пуроптови республиканьконь райононзон эса активсь, конац кармай ётафнема эрь   кодама илат, конатнень вельде ванфтовихть мокшэрзянь культурась, койхне-обуцятне, тядянь-алянь кяльсь. Тевда и арьсефта пяк лама. Но мокшэрзянь народть межрегиональнай общественнай организацияти сувсихне надияйхть марстонь вийса сембонь пяшкодемс. Тя организациять улихть отделениянза Россиянь и ся аймакнень эса, коса эряйхть мокшет и эрзят. Тосовок вятеви оцю работа минценнеть ванфтоманц коряс. Маластонь пингть ширеса республикать эзда ётайхть пуромкст, коса корхтамась кармай молема таколфты кизефкснень колга. Ули надияма, што   сембе стакашитне и прябалатне   кармайхть сяськфт и мокшень и эрзянь кяльхне кармайхть кайгома и   сяда тов Россиянь ламоц аймакова.