«Мокшень правда» газетась (МОКША)
Тёжянь вейхкса сятт комсь васенце кизонь сентябрьста ушедсь лисендема «Мокшень правда» газетась. Вейхксогемонь вете кизоста ётаф оцю ки, сяськф лама сталмода. Тянемс изданиять эса учихть мокшень ломаттне, оцю мяльса лувондсазь ошева и велева. «Мокшень правда» газетаса покодихне старандайхть няфтемс республикать эряфонц сембе ширде. Изданиять козя историяц, коенза-обуцянза. Лама содаф журналист ушедкшнезе эсь творческяй кинц минцень кяльса лисенди газетаса. Эряви азомс, «Мокшень правда» газетать лувондсазь аф аньцек минь республикасонк, но и ся аймакнень эса, коса эряйхть мокшень ломатть. Редакциясь кирди соткс ширеса эряй земляконьконь мархта и фалу печатлай тоста эрь кодама кулят эсь лопанянзон лангса. Тянь вельде диаспорась сяда лама содай республикать колга, а республикань эряйхне — ичкозе эряй мокшетнень тевснон квалма. Эсь профессиональнай праздникснон – Печатень шить — «Мокшень правда» газетаса покодихне васьфтезь кепотьф мяльса и надиязь вандыень шити. Редакциять инголе путфт оцю задачат, конатнень синь ёрайхть цебярьста пяшкодемс.