Мизе кудонц (мокша)

Саранск ошста сире ломанць мизе кудонц и васькафтыхнень инкса юмафтозень ярмаконзон. 70 кизоса авась кемась Росфинмониторингть лятфнеманц мархта схемати. МВД-са пачфтсть, што васенце гайфтемаса алясь лемдезе прянц Росфинмониторингонь покодикс и азозе, што авать счётстонза молихть Украинань спонсированияс васькафтомань операцият. Мошенниксь мярьгсь авати сявомс кредит и кучемс ярмакнень аф пельксонь счётс. Тяфта, сире ломанць кучсь васькафтыхненди 372 тёжятть цалковайхть. Тянь лангса мошенникне ашесть лотка и сяда тов пачфтсть, што Росфинмониторингсь бта няезе, кода васькафтыхне ёрайхть сёрматфтомс авать кудонц лиянь лангс. Меле сире ломанць мизе квартиранц 2 миллионда. 400 000 максозень риэлторти и юристти, а лядыксть кучезень реквизитнень коряс, конатнень максозь мошенникне.