Минек откертненень лездамга (эрзя)
Чаунза посёлкасто Косынкинтнэнь кудораськесь, Виктор Васильевич ды низэ Вера Михайловна, одс кирдизь СВО-со улицятнень – сынь Раськень фронтонть вельде кучсть военнослужащейтненень эсест нешкепирень 105 килограммат тантейстэ качадыця медь. Те аволь васенцеде, зярдо Косынкинтнэ явить эсест норовстонть боецтнэнень передовойс кучомга.
Кудораськесь ёвтась кемема, лездамонь те тевесь канды минек цёратненень лембе ды кепедезь ёжо.
«Минь путтано покш питне военнослужащейтнень службантень, ды минь кенярдтано сыненст лезксэнь максозь. Бажатано, седе куроксто сынст кудов шумбрасто велявтомантень. Пек учотано сынст изнямо марто!», – ёвтась Виктор Васильевич
Низэ Вера михайловна пшкадсь военнослужащейтненень: “Минек церынетне, алкуксоннь откерть! Минь сэредтяно кисэнк, ознотано ды свал мейсэ виенек-лездатано. А тынь ванстодо эсь прянк!»
ОНФ-нь преставительтне Масторонок ванстыцянь Чинтень гуманитарной грузонь лия улипаротнень марто пачтясызь меденть передовойсэ минек ёнкссо чочозетненень.