Михаил Вашуркинэнь чачома чистэнзэ саезь 95 иень топодемантень (ЭРЗЯ)
Военной ды трудовой подвигень мемориальной музеень «Люди долга и чести» лем ало проектэсь поладови! Неть читнестэ панжовсь од невтема. Сон алтави Мордовиянь хозяйственной ды партийной деятеленть Михаил Вашуркинэнь чачома чистэнзэ саезь 95 иень топодемантень. Эрямонь стакачитнень марто сон эшкевсь 13 иесэ, зярдо кулось тетязо. 1936-це иестэ ушодовсь важодемань кизэ. Артелень важодиця, бригадир, культработник, комсомолонь организациянь секретарь. 1941-це иень таштамковсто церась эсь олясо сермадсты прянзо фронтов. Ине Отечественной войнань толонь китнень ютынзе Антонина Ивановна, Михаил Вашуркинэнь вечкевиксэзэ. Фронтов туемадо икеле сынь алтасть вейке вейкенень шумбрасто велявтомс войнасто ды урьвакстомс. Истя лисськак. Эрямосо стакачитнень лангс апак вано сынь свал кадновсть кенярксонь кандыця, паронь арсиця ломанекс. Кудораськест, малавиксэст течинь чис аштить кисэст каштанчисэ. Войнадо мейле Михаил Григорьевич прядсь Горький ошсо партшкола, важодсь региононок покш предприятиятнесэ, мезень кис максозель Мордовиянь промышленностень заслуженной роботник лемесь. Ульнесь парткомонь секретарекс. 90-це иетнестэ -республикнаь ветеранонь советэнь прявт. Косо бу а важодевель Михаил Вашуркин, сондензэ мерильть — тиринь масторонь вечкиця! Истямокс ней бажить улеме 3 нуцьканзо ды нуцькатнень 2 эйкакшосткак.