Михаил Бабич казинзе ПФО-нь 22 эрицятнень государственной наградасо. Казезтнень ютксо Мордовиянь эрицясь. (Михаил Бабич вручил государственные награды 22 жителям ПФО. Среди награждённых-жительница Мордовии) ЭРЗЯ

Нижней Новгородсо ПФО-нь 22 эрицятне казезельть государственной наградасо. Владимир Путинэнь кармавтоманзо коряс казезельть эрьва кодамо профессиясо важодицятне – те врачт, машиностроительть, химикть, экономист ды лият. «Заслуженный аоботник пищевой индустрии Российской Федерации» звания максозель ООО «Атяшевский» Мясоперерабатывающей комплексэнь технологонтень Валентина Денисованень. 35 иеде ламо сон важодсь пищевой промышленностьсэнть.

Секе жо чистэнть Михаил Бабич, Нижегородской областень губернаторось Валерий Шанцев ды Россиянь хоккеень федерациянь Президентэсь Владислав Третьяк панжизь Весероссиянь «Золотая шайба» турнирэнь окружной этапонь од сезононть. Полпредэсь ёвтась участниктненень ды инжетненень лембе валт. Сон тешкстызе, што хоккеесь Приволжьянь спортонь эрямосо саи покш тарка.