«Меремантень» – 15 иеть! (Студии «Мерема» -15 лет) ЭРЗЯ
«Оймень таргамо»- истямо лем ало программа анокстась шкинемань вечкицяст туртов «Мерема» фольклоронь этнографиянь студиясь. «Мерема» студиянтень тедиде топодить 15 иеть! Весе шканть перть од морыцятне ды музыкантнэ ламоксть невтизь ёрокчист эрьва кодамо пелькстамосо ды фестивальсэ. Сынст учить аволь ансяк финнэнь – угрань регионтнэсэ, но и масторонок томбалеяк. Ванстомс кезэрень койтнень, вельмевтемс эрзянь, мокшонь кезэрень моротнень – истямо путовкс аравтыть икелест коллективс совицятне. Весе материалонть сынь пурныть масторонок ужинетнева экспедициясо улемстэ. Васенцеде концертэнь программасо вейсэ невтить ёрокчист студияс совиця эйкакштнэ, «Жива» фольклоронь ансамблясь, «Морама» эрзянь, мокшонь кезэрень моронь коллективесь ды «Меремась». Истямо лувсо артистнэ бажить невтемс ламо ёнксонь тевветямост. Ламо вайгельсэ морамось, кезэрень койтнень невтемась киньгак эзизь кадо мельтеме.
«Мерема» студияс совицятне яволявтыть, шкинемасост ламось топавтозь, ансяк лоткамс тень лангсо а пурныть. Икелест ламо мельстуиця тевть ды проектт, конатнесэ кармить кенярдовтомо масторонок ломантнень