«Мерема» фольклорной ансамблясь невтизе прянзо «Мир Сибири» этнической моронь фестивальсэнть. (Мордовский фольклорный ансамбль «Мерема» принял участие в фестивале этнической музыки «Мир Сибири») ЭРЗЯ
Неть читнестэ Красноярской краень Шушенское посёлкасонть ютась «Мир Сибири» этнической моронь фестивалесь. Тей эрьва ие пуромить морыцят аволь ансяк Россиянь регионтнэстэ, истяжо Грузиясто, Белоруссиясто ды мик Индиясто, Шотландиясто. Те мелень саиця мероприятиясонть ульнесь и минек ёнксонь «Мерема» фольклорной ансамблясь. Мордовиянь коллективтнень ютксо, конатне кепедить верев эрзянь-мокшонь культуранть, покш тарка саи «Мерема» фольклороной ансамблясь. Те коллективенть содасызь аволь ансяк Мордовиясо ды диаспорасо. Гастрольной турост ютыть кода Россиясо истя сонзэ томбалеяк. Эрьва концертэнь анокстамонтень сынь путыть ламо вий ды паро ёжо. Фестивальсэнть «Мерема» ансамблясь саизе васенце степенень дипломонть. Морыцятне бажасть содавтомс кунсолыцятнень ламо вайгельсэ морамонть марто. Пелькстамось ульнесь аволь шождынетнень эйстэ; сынст марто вейсэ невтсть пря пек виев коллективть. Фестиваленть прявт путовксозо-вельмевтемс ды ванстомс раськень койтнень-кирдатнень.