Мелавнянь выставка (МОКША)
«Эрек тропическяй мелавнят и хищнай касыкст» выставкать аноклазь Москувонь энтомологонь обществав сувсихне, конат ускозь куколкатнень «портативнай шачфтомань кудса». Мелавнятнень эряма вастсна — Юго-Восточнай Азиясь, Африкась, Южнай Америкась, Филиппинскяй острофне, Мадагаскарсь, тоста синь усксесазь куколкакс, а сяльде касфнесазь. Выставкать козякофтсы «Бабочки мира» коллекциясь, конань экспозицияса тёжяньда лама мелавня. Выставкань инжихненди дивандафты вастокс кармай и афкуксонь панчфонь чудась — хищнай касыксне. Синь эряйхть ся васттнень эса, коса модать потмоса аф сатнихть питательнай веществат, сяс эволюциянь процессть пингста появась касыксненди аф эсь лацонь эрямань механизмасна – кунцемась и ярхцамась добувафтта. Ламоц хищнай касыксненди «ярхцамбялькс» арсихть насекомайхне. Мелавнятнень и аф эсь лацонь касыкснень мазышисна аф кадыхть озадонь седи фкявок ломань, а перьфпяльть мархта марса улемань праздниксь арай аф аньцек мяляфтови событиякс и цебярь арьсефокс, но и этическяй и экологическяй воспитаниянь урококс иттненди и синь тядяснонды-аляснонды. Мокшэрзянь народнай культурань музейть кенкшенза панжадот сембонди кевейхксыеце февральти самс.