Масторлангонь од ломанень фестивальсь ётни Сочиса (мокша)
Мордовияста делегациясь, а тя пцтай 100 волонтёрхне и лия участникне пяк лац и пользань кандозь ётафнесазь пингть. Делегаттнень ёткс шоворсь и региононь Оцюнясь Артём Здунов. Марса од ломаттнень мархта корхтасть «Геройхнень пингсна» тонафнемань од программать колга, кона аноклаф Владимир Путинонь мярьгоманц коряс участникненди и СВО-нь боецненди. Республикать эзда форумса примай участие спецоперациянь ветеранць Павел Екатеринин. Сон кенерсь ни содафтомс Перуста, Боливияста, Сальвадорста и лия странань од ломаттнень мархта. Лятфтасаськ, масторлангонь од ломанень фестивальсь ушедсь васенце мартста и моли 7-це мартти самс. Сон кочказень марса 180-да лама омба масторонь 20 тёжянь участникнень. А 13-це мартста сявомок 16-ти молемс Мордовиясь региононь недяляста васьфтьсыне лия странань инжихнень, синь учсазь козя программась.