«Масторава» эпосонтень 20 иеть. (Эпосу «Масторава» 20 лет) ЭРЗЯ

Эрзянь-мокшонь раськенть духовной ды культурной сюпавчизэ пингеде пингес ванстовсь народной творчествасонть. Истямо сюпавчинь ванстыцятнень ютксо ашти и «Масторава» эпосось. Ютазь пингень кодгеменце иетнестэ Мордовиянь ученойтне прыть мельс пурнамс вейс минек раськень духовной ды культурной сюпавчинть, кона таштавсь ламо пингетнень  перть. Стакачикс кармась се, што ученойтне эзть пра ве мельс-кода теемс-лацемс те эпосонть. Тевесь эзь моле. Седе тов эпосонть лангсо ушоды  важодеме од фольклористэсь Александр Шаронов.  Комсь иень перть сон терявтнесь нолдамс эпосонть ды шкань ютазь тевесь топавтозель. «Масторавасонть» поэтической образтнэнь вельде невтеви минек раськень духовной культурась, конась кайсь зярыя пингень перть. Эрьва пингенть эсензэ моронзо ды ёвтамотне. Авторонть валонзо коряс, «Мастораванть» а  эряви чарькодемс кода историянь документальной материал. Теке марто эйсэнзэ поэзиянть вельде невтеви, кода эрясь, мезес бажась минек раськесь кезэрень шкатнестэ. Ёвтамотне сёрмадозь литературной кельсэ. Тень кисэ учёноентень, кона чачсь Теньгушевань буень Шокша велесэ, савсь парсте тонавтнемс эрзянь литературной келенть. «Масторавадо» ламо информация ули интернэтсэ. Ютавтызь сонзэ лия кельскак. А.С.Пушкин лемсэ библиотекасо национальной краеведениянь ды финнэнь-угрань литературань отделсэ ули эпосось венгрань кельсэ. Кода карминек содамо Александр Шароновонь марто кортамсто, «Мастораванть» тонавтнить омбо мастортнэсэяк. Меельцекс тешкстасынек, эпосонть комсь иень тешкстамонть арсеви ютавтомс умарьковонь ветеце чистэ Саранскойсэ. Учовить ламо инжеть аволь ансяк Россиясто, но и омбо масторстояк.