Марий Элсэ ютась Россиянь финнэнь-угрань раськень Ассоциациянь Президиумонь Советэнь промкс (ЭРЗЯ)
Марий Эл Республикась аволь васенцеде васты Россиянь финнэнь-угрань Ассоциациянь Президиумс совицятнень. Вастовомань прявт кевкстемакс кармасть улеме неень шкане финнэнь-угрань раськетнень ванстомадост ды кастомадост стакачитне. Йошкар-Олась а стяко кочказель Россиянь финнэнь-угрань раськетнень этнокультурань кастомадо топавтоматнень тевс нолдамонтень алтазь промксонь ютавтома таркакс. Республикасонть таштазь культурасо ды тонавтомасо раськень компонентэнть ванстомга ды кастомга ламо содамочить ды ёрокчи. Промкос пурнавозтне ве мельсэть, финнэнь-угрань эрьва раськенть ванстомадо стакачитне кардавить ансяк вейсэ важодезь. Промкссонть аравтозь важодемань прявтлувтнэ ды кемекстазь АФУН-нь те иес тевтомавтомань планось. Теде башка вастовомас пурнавозтне ульнесть «Мы — мари» научно-общественной форумсу, кона алтазель маринь раськень Весероссиянь II Инекужонть ютавтомсто 100 иетненень. Се Инекужосонть черемисы лементь таркас максозель мари лемесь. Дискуссиянь площадкасо содыйтне, общественной тевень топавтыцятне макссть питне Инекужонть ютавтомантень, кона лездась раськень общественной движениятнень седее тов касомаст-кепетемаст туртов. Республикань инжетне, Президиумонь промкосос пурнавозтне тердезельть Чавайнэнь лемсэ раськень ловнома кудов. Течинь чис тесэ миллиондо ламо ванстомапельть. Эрьва ие те невтексэсь кассы, теке марто маринь келень пусмотнесэяк. Ней Республикань прявт ловнома кудонь книгань фондось сюпалгадсь финнэнь-угорань литературасо. Промксос пурнавозтне казсть эсь раськень печатень пусмот. Прядовсь АФУН-нь Президиумонь Советэнь вастовомась маринь викшнемань музеень содавтомасо.