Малавгадыця Авань чинтень (ЭРЗЯ)

Малавгадыця Авань покшчиденть икеле цёратне кода свал бажить кенярдовтомс вечкевикс ломанест мельстуиця казнесэ. Тундонь ёжонть кепетемга сынь анокт теемс весементь. Авань чинтень цёратне седе сеедьстэ кочкить тантейстэ качадыця ведь, ламбамо ярсамопель, эрьва-кодат сертификатт ды ламо лия мезе. Мезеяк лангс апак вано, те чистэнть мазый цецятне свал кепедить аватнень ёжост. Минь арсинек совамс Саран ошонь цецянь вейке микшнема кудос ды кевкстемс, кодат цецят каземс те тундосто. Людмила Аверкина вечки ламо тюсонь цецят. Эрзянь тейтересь мельспаросо ёвтни, кода эрьва пусмонть теемстэ путови лембе ойме ды вечкема. Тень кунсоломсто кувать апак арсе минь вешинек мазый тейтертнень невтемс, кода пурнави алкуксонь цецянь пусмось. Ды, васняяк, мейстэ ушодови сонзэ теемазо. Куншкас путови розовой роза кустовой. Кушкасто, уставить букетэнь тееме свал куншкасто. А мейле уже аравтнетяно тозонь лия цецят, конатне мазыйстэ кармить аштеме букетсэнть. Седе тов вейс путовить лия цецянь ламо тарадт, весемесь домкасто ваннови эрьва кодамо ёндо. Цецянь кирдемга эряви виев кедь. Секскак пусмонь теемстэ авань кедтне теке сырнекс марявить. Седе тов цецятне вельтявить мазый конёвс, ды тагояк ванновить эрьва ёндо. Теде мейле весемесь вейсэндяви парсеень сюлмосо.  Ды цецянь мазычись анок! Вана истямо лиссь мазый пусмо, конань каземстэ, кемтяно, а аштеви вейкеяк тейтерь ды ава. Авань чи марто! Авань ши мархта!