«Люди долга и чести» проектэнть лувсо военной ды трудовой подвигень мемориальной музейсэ панжовсь юбилейной выставка. ( В мемориальном музее военного и трудового подвига в рамках проекта «Люди долга и чести»открылась выставка) ЭРЗЯ

Ине Отечественной войнань участник, СССР-нь Вооруженной Силань  ветеран, Мордовиянь военной комиссар, МАССР-нь верховной советэнь депутат! Сергей Прибылов тешксты 90 иень топодеманть. 1942це иень ацамковсто  Московонь енкссо чачозесь   саезель Якстере  Армияв. Житомирэнь военно-пехотной училищань  виевгавтозь курсатнень ютазь, кучозель 3це Белорусской  фронтонь составс.  Ятонть каршо тюрематнесэ кемечинть, апелемачинть невтемга,  Сергей Прибылов  казезель 1, 2 степенень Отечественной войнань орденсэ, Якстере Тештень 3 орденсэ, ды медальсэ. Изнямо чинть вастызе госпитальсэ. Войнадо мейле сон полады тиринь масторонзо ванстомга службанзо. 1954-це иестэ Сергей Гаврилович кучозь Самарав, 9 иень ютазь — Пензав. Эрьва косо сон невти прянзо кода виев, кеме прявт. Сизьгемень омбоце иестэ саезь кавксоньгемень омбоцес молемс  Сергей Прибылов – Мордовиянь военной комиссар! Сон лездась военнослужащейтнень туртов эрямотаркань кепетеманть коряс. Явсь сатышка мель призывной кампаниянть парсте ютавтомантень. Сергей Прибылов свал ветясь важодема масторонок сы шкань ванстыцятнень марто. Патриотизмань лувсо кастынзе эйкакшонзо, ней истя жо три нуцьканзояк. Превей, кеме, норовов, вешиця, чарькодиця! Истямокс сонзэ содасызь коллеганзо, ялганзо, малавиксэнзэ. Выставкасо, кона алтави Мордовиянь военной комиссаронтень 90 иень топодемантень,  васенцеде невтевить кудораськень, служебной ламо фотографият, архивень  документт ды полковникенть награданзо.