Литературань Кизоти лемтьф ила етась 43-це лицейса (В 43 лицее прошло мероприятие, посвященное Году литературы) МОКША

Моли литературати лемтьф Кизось. Тянкса лама илада ётафневи кода республикаса, стане и Саранск ошса. Мекольцесь кочказень марса мокшень и эрзянь кялень тонафтыхнень, поэттнень и шабатнень нильгемонь колмоце лицейса. Лама корхтасть литературать вастонц квалма ломанть эряфса. Васедемаса стане жа морасть Мордовиянь артисттне. Стихнень моротненди сёрмадозь мокшэрзянь поэттне.
Иласа мокшень и эрзянь кялень тонафтыхне лувсть республикаса содаф поэттнень и писательхнень сёрматфснон. Кой-кит азондозь эсь стихснон. И тага васенце вастсотольхть моротне. И тя аф стак – вдь поэзиять и музыкать крхкат соткссна.
Эряви азомс, нильгемонь колмоце лицейса ули мокшэрзянь литературань музей. Илас пуромфненди ётафтфоль экскурсия. Тяниень пингть од ломаттне шуроста сявондьсазь кядезост книгатнень. Сяс тяфтама васедематне лездыхть оттненди сяда лац содамс рузонь и мокшэрзянь литературать, писательхнень, синь эряфонь киснон.