Литературань иентень Мордовиянь кизэнь эйкакшкужотнесэ ютавтозельть зярыя покшчить. («Лето с книгой в руках». К году литературы в детских оздоровительных лагерях Мордовии провели ряд мероприятий) ЭРЗЯ

Те иесь РФ-нь Президентэнть Указонзо коряс яволявтозь литературань иекс. Тень кувалт кармить ютавтовомо ды уш ютавтовить ламо мероприятият. Вейке истямо  ютась Кочкуровань райононь Сабаево велесэ, «Орбита» эйкакшонь шумбралгавтомань лагерьсэнть. Тосо ней оймсить  Ардатовань, Рузаевкань ды Ялгань интернатнэнь воспитанниктне. Медьковонь 6-це чистэ саезь умарьковонь 25-цес молемс нолдави тевс «Лето с книгой в руках» лементь ало проектэсь. Сонзэ лувсо кармить ютавтовомо викторинат, театрализованной представленият, сёрмадейтнень марто вастовомат.  Кенярксчисэнть эрьвантень казезель книга,  «Чилисема» ды «Якстере теште»  журналтнэ. Мероприятиянть лувсо ульнесь ютавтозь мелень саиця концерт, конасонть эсь ёрокчинзэ невтизе вишка морыцясь Лилия Ямбушева. Книгась эрьва ломаненть эрямосо саи пек покш тарка. Сонзэ вельде ломанесь кандови аволь ансяк лия масторов, мик лия шкаскак. Сон тонавты ломантнень, касты содамочист, вансты сы поколениятнень туртов историянть.