«Курскяй танковай тюремась» макетсь-панорамась. (Макет-панорама «Курская битва») МОКША

Воронинонь лемса краеведческяй музейса путф макет-панорамась, кона няфнесы Великай Отечественнай войнать пингста Курскяй тюремать. Арьсезе сонь Сергей Щепаксов. Тя пара мяльсь сась нинге ётай кизоть. Авторсь ерась анокламс сонь Сяськомань шить юбилейнцты. Но кой-кодама туфталхнень сюнеда сон эряфс ашезь нолдав. И вов кизода меле диорамась анок. Катк сон аф оцю пакшкя Прохоровскяй паксяса танковай тюремать колга, но авторсь путсь лама эрьгя, штоба тяниень поколениятне содальхть ся стака шитнень квалма. Панжемстонза музейса ульсть войнань ветераттне, тонафнемань учреждениятнень эзда иттне. Сергей Шепаксовонди савсь лама содамс историять колга, коса карань-каршек тюрсть тежянь кафта сятта лама танка и самоходнай орудия. Прохоровскяй паксясь арась фашисттненди калма лангокс, тя бойда меле врагсь лоткафтозе эсь наступлениянц. Сембе фронттнень эзга Советскяй войскатне тусть инголи, штоба тапамс марнек фашизмать. Макетса тюремань паксяса пяк лац няеви минь войсканьконь сяда оцю вийсна. Кафта фашистскяй танкатнень лихтезь стройста, фашисттне кяшендихть эшксозост, а миннетне тусть наступленияс. Тяда меле тя пара уженясь арай музейнай экспонатокс. Иттне сяда лама содайхть Советскяй армиять сяськоманзон и подвигонзон колга.