Кулянь сех паро пачтямонь кис казне (эрзя)

Мордовиянь стендэнть казизь кулянь сех паро пачтямонть кис «Россия» форумсонть! Москов ошсо ВДНХ-со яволявтсть региононь читнень цётамотнеде. Кадовсь инжетнень мельсэ республиканок раськень культурань мазычись, а пачтявикс оймесь ды, чарькодеви, мирденень лисемась! «Россия» форумось-невтемась панжовсь сундерьковонь 4-це чистэ. Се шкастонть саезь эйсэнзэ ульнесть 5 миллиондо ламо ломанть! Сыцятне аштить паро ды кенярксов ёжосо тиринь масторонть кис. Галина Лотванова региононок Правительствань Прявтонь васенце полавтыцянть вельде форумонть весеме ёндо сех вадрясто невтеманть кис максозь питней казне. Мордовиянь чистэ важодсть региононь весе СМИ-тне, конатнень ютксо миньгак. Невтемасонть 89 регионт. Сергей Кириенко Президентэнь Администрациянь Прявтонь васенце полавтыцясь ёвтась, курок регионтнэнь стендтнэсэ кармить невтевеме ошонь чить. Артём Здунов эсь телеграм-каналсо ёвтась сюкпрянь валт невтемань весе анокстыцятнень ды сыцятнень туртов. «Россия» невтемась-форумось карми важодема чадыковонь 12-це чис. Ансяк Владимир Путин ёвтась мель поладомс невтеманть кизэс. Ярмаконь пандомавтомо самс мереви эрьвантень.