«Культура» раськень теварсевксэсь Торбеевасо (эрзя)
Торбеевань культурань кудось ней весе буень эрицятнень кенярксчис пурнавомань тарка. Кудось стявтозель 1974-це иестэ ды умок вешсь одкстомтома. 2023-це иестэ «Культура» раськень теварсевксэнть вельде топавтозель учреждениянь прявт одкстомтомась.
Одкстомтомань тевтнес, тарканть паролгавтомас ды культурань кудос весе эрявиксэнть рамсемас ютавтовсть 130 миллионт целковойть. Раськень теварсевксэнть вельде одкстомтозельть 370 таркас ваномань нупалесь ды сценась. Кинонь Фондонть лезксэнть вельде 35 таркас конозалсонть ней 3D оборудования. Ламофункциянь нупальсэ ули коворкинг, киберзона, косо путозь компьютерт ды приставкат.
Теде башка, культурань одкстомтозь кудосо ней ули хореографиянь покш нупаль, кодамонь, стамонь ды столярной мастерскойть. Учреждениянь одкстомтомась лезды культурасо важодицятненень нолдамс важодемань од лувт, келейгавтсы услугатнень ламочинть. Буень эрицятнень а кадсысь мельтемечивтеме оймсемань ды шкинемань туртов теезь неень шкань условиятне.