«Культура» раськень теварсевксэсь Темниковасо (эрзя)
Мордовиянь сех кезэрень ошсо одкстомтыть эйкакшонь школанть. Темниковасо кундасть Л.И. Воиновонь лемсэ эйкакшонь искусствань школань покш одкстомтомантень. Важодематне ютыть «Культурная среда» региононь теварсевксэнь «Культура» раськень проектэнть лувсо. 2013-це иестэ Темниковань искусствань школась вейсэндизе эсензэ лувсо музыкань ды артомань тонавтоманть. Ней тосо тонавтовить 195 эйкакшт. Тевс нолдавить предпрофессиональной 125 программат, ютксост раськень инструментэнь, фортепианань, вокалонь, живописень, декоративно-прикладной шкинемань коряс. Республикань кезэрень ошонь вишка эрицятне шкинемантень тонавтнесть кудосонть, кона стявтозель 1988-це иестэ. Кавто кепедькссэнь 970 кавонзазь метрасо кудонтень умок эряволь покш одкстомтома. Ушодовсь сон 2024-це иень эйзюрковсто. Неень шкане тесэ прядовома лангсо «раужо» важодематне: полавтовсь электропроводкась, путозь вальмань блоктне, прядовсь уштомань системань теемась, ней юты киякстнэнь валомась. Арсеви, искусствань школась эсензэ кенкшензэ панжсы 2024-це иень умарьковсто.