“Культура” раськень теварсевксэсь (эрзя)

2024-це иестэ Мордовиясо «Культура» раськень теварсевксэнть лувсо одкстомтовить культурань 20 ламо объектт.
Теде кортамось мольсь Россиянь Федерациянь культурань министрань полавтыцянть Надежда Преподобная марто.
Республикасонок 2024-це иестэ раськень теварсевксэнть лувсо покш одкстомтома тееви культурань 4 учреждениятнесэ, од оборудования путови эйкакшонь искусствань 3 школатнесэ ды Ф.В. Сычковонь художественной училищасо. Истяжо модельной стандартонь коряс одкстомтовить 3 ловнома кудот, неень шкань оборудования путови 2 музейтнесэ ды 2 театратнесэ.
Ф.В. Сычков лемсэ Саранонь художественной училищанть лувсо панжови креативень индустриянь школа, рамави автоклуб ды пурнавить концертэнь 4 виртуальной нупальть. Теде башка лезэ максови велень культурань учреждениятненень ды сынст важодицятненень.