Кудораськень МФЦ-нь панжомась (эрзя)
Сыця од иенть, конань Президентэсь яволявтызе кудораськень иекс — Мордовиясь васты тевень содазь. Кудораськесэ стакачинь кевкстемань ванномань сеске кавто курот панжовсть: те кудораськень ламо функциянь топавтомань куро ды «Минь вейсэ» кудораськень инклюзивень куро.
Кудораськень МФЦ-сэ весе топавтови вейке таркасо — консультациясто саезь, документнэнь пурнамос ды ютко шкань лезэвстэ ютавтомас. Истяжо лездыть муемс важодема тарка. Ушодксось — васенце приёмонь службасо. Бути эряви, мереви пшкадемс психологиянь лезксэнь максомань ды бойкасто топавтомань службас. Специалистэсь ютавты специальной ваннома, эйкакштне те шкасто парсте ютавтсызь шканть. Малав весе куротнесэ улить налксемань таркат. Ули спортзал, профмастерскойть, косо мереви тонадомс мезе-бути одс, ды оймавтомс психологиянь оймсемань нупальсэ. Васенцеде сыцятнень ютксо СВО-со улицятнень кудраськест. Те таркась Сущинскиень куросо регионсонок васенце, ды аволь меельце! Кудораськень ламо функциянь важодемась поладови Рузаевкасо, косо истяжо арсеви панжомс кудораськетнень туртов МФЦ. Мордовия Республикань Правительствань Прявтонь васенце полавтыцядонть башка службанть содавтызе МФЦ-нь теварсевксэнь топавтыцясь. Истямо васенце куро сон панжсь Орёл ошсо, Россиясо ней сынденст 30 ламо. Ещё вейке кудораськень куро панжовсь Терешковань куросо. Сонзэ панжомас грант изнясь «Много дети» вейсэндявксось. Услугатне тесэ истяжо максовить эрьва кодат: информациянь, покштнэнь ды эйкакштнень туртов ютко шкань лезэв ютавтомань. Важодить пидемань-панемань ды музыкань терапиянь студият. Куронтень кандовить 4 тёжат ломанть, сакшныцятнень эйстэ — малав 720 кудораськеть. Понгомс совицятнень юткс шожда — весе документнэнь мереви максомс электронной форматсо ды «Много дети» НКО-нть вельде.