Кудораськень фотография 114 иень эрямопингесэ! Лия ёнов а молиця снимкась ванстови Покш Игнатбуень боевой славань музейсэ (ЭРЗЯ)
1903-це иестэ теезь фотографиясонть Австриянь Императоронь Кексгольмонь лейб-гвардиянь полконть, конанть пурнызе Пётр I Инязорось – весе составось. Снимкась пек паро качествань, эйсэнзэ вадрясто невтевить вишка тешкстнэяк. Малав 10 иеде теде икеле музеесь сюпалгавтызе фондонть истямо лия ёнов а молиця экспонатсо. Сэрьс -50 см, келес- 100! Покштояк покш фотографиясонть неявить весе гвардеецтнэ. Николай Макаров ламо шкань перть тонавтнесь 20-це пингень ушодовомсто теезь важодевксэнть. Малав вейке метра диаметрасо объектив марто фотоаппаратось теезель те снимканть туртов. Кудораськень фотографиясь, кона, шкань полавтоматнень лангс апак вано, ванстовсь пингеде ламо -покш питнечи региононок ды целанек масторонок эрямопингесэ! Николай Макаров тешксты, солдатнэнь ютксто ламотне примасть участия Октябрянь революциясо, конань 100 иетнень топодеманть тешкстасы масторонок тедиде. Тешксэнь фотось арсеви невтемс «Шумбрат, Мордовия!» фестивальсэ. Теде башка учови невтемазо военной ды трудовой подвигень мемориальной музейсэ. Вана истя, вейке фотографиянть вельде, Яков Макарович Французовдо ды лия гвардеецтнэде, сынст кемечиде ледстнематне ванстовить аволь ансяк кудораськень, теде башка и ламо лия ломанень мельсэ-превсэ пингес!