«Крылья» межрегиональнай кштимань фестиваль-конкурссь. (Межрегиональный хореографический фестиваль-конкурс «Крылья») МОКША

Колмогемонь фкя концертнай номер, тёжянь сядода лама кштий ёмлатнень эзда сявомок кемзисемге кизоса стирьхненди и цёратненди молемс кенярьфтезь ошень ваныхнень и казсть аф юкстави народнай, эстраднай и тяниень пингонь кштимат. Тя ульсь афкуксонь искусствань праздник. Мазы щапне, аф эсь лацонь хореографическяй приёпне – сембось тя шорявсь сяшкава, што эрь сценав лисемась кадсь мяль бта кштийхть профессиональнай артистт, аф шабат. Самарась, Пензась, Рязаньць, Нижняй Новгородсь, Одинцово, Приволжск и Мордовиясь – и ня аф сембе ошне и аймакне, коста сашендсть участникне «Крылья» межрегиональнай фестивальс – пялькстомас. Ламонцне эздост ульсть ни Всероссийскяй и Международнай эрь кодама конкурсса, но тяса марязь эсь пряснон ёфси лиякс. Вете номинациява ульсть азфт сяськихнень и лауреаттнень лемсна. Кенярьфти, што фестивальса Гран-прить получазе Торбеюста «Интеграл» хореографическяй коллективсь шокшень кштимать инкса. «Крылья» – тя фестивальсь, коса аш сяськихть и сяськфт. Тяса иттне и хореографне тонафнихть фкя-фкянь эзда, содафнихть лия народонь культурать мархта и арсихть ялгакс. Илать аноклайснон арьсемаса сай кизоть кочкамс нинге сяда лама смузю кштий марнек Россияста.