Краснослободскяй районца сёлговсь «Эряк, шачем кяль!» межрегиональнай этнокультурнай лагерсь (В Краснослободском районе закончил работу межрегиональный этнокультурный лагерь «Живи, родной язык!») МОКША

Аф васенце кизось ни республикасонк ётафневи «Эряк, шачем кяль!» межрегиональнай этнокультурнай лагерсь. Сонь видесонза кочксевихть смузю иттне аф аньцек Мордовияста, но и шабра аймакста. Тяза сашендыхть кялень олимпиадаса и лия пялькстомаса сяськихне.
Колма недяляста шабатне касфнезь содамашиснон мокшень, эрзянь, татаронь кяльхнень коряс. Эсь тевонь содай педагокнень мархта арасть содафокс финно-угорскяй нароттнень культураснон мархта. Иттнень мархта работасть университетонь и институтонь преподавательхне и студенттне. Лама эрь кодама ила ётафтовсь комсь фкя шиста.
Сменать сёлгоманцты иттне анокласть морот, кштимат. Инь отькорьхне казьфтольхть грамотаса и казнеса. Ваномок сянь лангс, кодама мяль мархта шабатне нежедсть тя тевти, ули надияма, што синь сайхть тяза и сай кизоть.