Краеведческяй музейса панчф выставка, конац лемтьф Смидовичень лемса Мордовскяй государственнай заповедникть 80-кизонцты (В краеведческом музее открылась выставка, посвященная 80-летию Мордовского государственного заповедника им. Смидовича) МОКША

Выставкаса кочкафт фотографият, документт заповедникть пуроптоманц колга, вирень нармотть и жуватат, панкт и лия эрь кодама касыкст. Панжемстонза музейса ульсть Саранск ошень сисемце лицеень тонафнихне, краеветт, заповедниконь ломатть. Пуромфненди синь азондсть, кода эряй тячиень шить минь аймаксонк фкя и сяка заповедниксь, кона ащи Темниковскяй районца. Сон арьсеф сянкса, штоба ванфтомс вирень жувататнень, нармоттнень лувксснон. Выставкась салсесыне мяльснон и оцюфнень, и емлатнень. Эсонза кочкаф материалсь лезды сядонга лац тонафнемс заповедникса животнай мирть, шуроста васьфневи эрь кодама растениятнень. Заповедниксь лац содаф аф аньцек минцень республикасонк, но и лия аймакса эряйхненди. Тоза сашенды лама ломань. Заповедниконь сотрудникне вятихть научно-исследовательскяй оцю работа. Выставкась кармай работама апрель ковти.