Кодат мелень саиця мероприятият маласо шкасто арсеви ютавтомс вейсэндямонь тежа иетненень алтазь куншка куросонть (О запланированных мероприятиях на площади Тысячелетия) ЭРЗЯ
Содазь, 2018-це иестэнть республикасонок карми ютавтовомо футболонь коряс масторлангонь чемпионатось. Те покш датантень регионсонок тееви пек ламо, весе вийсэ моли стадиононь кепетемась, аэропортонть одкстомтомась, вадрялгавтови, мазылгавтови ошось. Теде башка учовить мелень саиця ламо кенярксчить. Тешкстасынек, истят мероприятият а весть ютавтовсть Саран ошонь куншка куросонть. Арсеви поладомс те коенть вейсэндямонь тежа иетненень алтазь площадьсэнтькак.
Те таркась ошонь эрицятнень туртов ловови сех вечкевикс оймсема таркакс. Тесэ эрьва оймсема чистэ сядот ломанть. Организатортнэ арсить, што эрьва оймсема чистэнть тесэ кармить ютавтовомо, эрьва кодат мероприятият, пелькстамот, налксемат, сёрмадыцятнень ды Мордовиянь содавикс ломантнень марто вастовомат. Эйкакштнэнь туртов невтевить сцена лангсо путовкст. Арсеви, што эрьвась тесэ муи тев эсэнзэ мелензэ коряс.