Кочкурвелесэ ютасть чийнемань коряс Кирилл Шубников Славань орденэнь кавалерэнть ледстнемга республикань эрьва иень пелькстамотне (эрзя)
Эсь виест невтизь Мордовиянь 150-де ламо сех вадря эйкакштне ды од ломантне. Пелькстыцятне чийсть 500 метрань ды 1, 2, 3 вайгельбень кувалмосо дистанцият. Изницякс лиссть Ромодановасто Екатерина Савинова, Кочкурвелестэ Матвей Еврюшкин, Рузаевкасто Полина Пальдяева, Тимур Макунин, Анна Кузнецова, Саранскойстэ Егор Гришаев, Юлия Преснякова, Атемарсто Макар Фадеев, Дубёнкасто Никита Болушев. Изницятненень ды призёртнэнень максозь питней казнеть.