Кочкуровскяй районца панжевсть «Од предприниматель» бизнес-лагерсь и «Од Кулибитт» инновационнай арьсемань лагерсь (В Кочкуровском районе открылись бизнес-лагерь «Юный предприниматель» и лагерь инновационного мышления «Юные Кулибины») МОКША

Кафта республиканскяй лагерьхнень торжественнай панжемасна ушедсь марстонь построенияста, конань пингста отрядонь вятихне максозь эсь рапортснон. Россиянь гимнать кайгомста кепотьфоль странаньконь флагоц. Кочкафненди лямбе валснон азозь илас саф инжихне. Синь арьсесть од ломаттненди оцю стафкст и цебярьста ваймамс.
Кафта недяляста шабатнень мархта кармайхть васьфнема предпринимательхне, конат азондыхть эсь тевснон колга. Од Кулибиттне содасазь моделированиять, конструированиять, робототехникать и программированиять. Тонафнемада башка иттне ваймайхть и кемокстасазь шумбрашиснон. Тянди «Энергетик» лагерьса улихть сембе условиятне.
Кизоти кафксть ня лагерьхне кочксесазь марса смузю иттнень марнек республикаста. Сембось тя арьсеф сянди, штоба касфтомс од ломаттнень творческяй маштомашиснон. Тяфтама программатнень вельде появайхть од бизнес-проектт и эсь лацонь изобретеният. Тя сай пингть виияфтсы республиканьконь экономиканц.