«Книгань модань тарго» ютавтозель А.С.Пушкин лемсэ национальной библиотекасо («Неделя книжной моды» состоялась в национальной библиотеке имени А.С.Пушкина) ЭРЗЯ

А.С.Пушкин лемсэ национальной библиотекасо ютавтозель мелень саиця мероприятия. Сонзэ анокстыцятне дивавтызь ловныцятнень: книгань невтеманть мазылгавтызь сёксень оршамопелень невтемасо. Сёксень потмура читнестэ оймесь веши ютавтомс шканть вадря книга марто. Те библиотекасо важодицятне анокстасть ловныцятнень туртов зярыя книгат, конатнень эряволь бу ловномс те сёксестэнть. Пурнавозтнень ютксо ламо од ломанть: сеть кинень малавикст кода книгатне истя и неень шкань модась. Вениамин Каверин, Людмила Улицкая, Иосиф Бродский ды кемень лия авторонь книгат, конантнень эряволь бу ловномс те тевень вечкицятненень.

Сексень неень шкань оршамопелень невтема, вокальной номерт, викторина-весе те ютавтозель вейке таркасо. Библиотекасо важодицятне свал лездыть ловныцятненень муемс эрявикс книганть. Кода пачтясть тенек те мазый вастовомань анокстыцятне-сёксень коллекциянь невтемадо  башка карми телень, тундонь ды кизэнь.