«Келу» ансамбльсь лиссь Всероссийскяй хоровой фестивалень финалу. (Ансамбль «Келу» стал финалистом Всероссийского хорового фестиваля) МОКША
Лама вайгяльса морамань маштомошить «Келу» фольклорнай ансамблять, конац каннесы содаф мокшэрзянь композиторть Георгий Сураев-Королёвонь лемонц, кулендезь аф аньцек минь странасонк, но и нльне омба масторса. Сембе профессиональнай хоровой коллектифнень эзда, конат няфтезь пряснон пялькстомань окружной этапса, «Келу» ансамбльсь кочкась кемонь уликс балста – вехкса целайхть сисем кемонцекс пялькст. Мордовияста коллективсь салазень жюрити сувсихнень и ваныхнень мяльснон национальнай щамть мазышинц и морамать вельде. Мокшень и эрзянь сире морхне тяниень пингонь обработкаса няфтезь минь народоньконь музыкальнай культурать козяшинц. Ансамбльсь аноклай няфтемс эсь концертнай программанц сёксенда Москуса финалса. Балетмейстерть Ольга Лясинань вятеманц ала касфневи хореографическяй маштомашись. Сяськомась Всероссийскяй хоровой фестивальса араль ба цебярь казнекс кизоть песта.