Казаньсэ ютась тиринь келень коряс олимпиада. (ЭРЗЯ)
Ацамковонь 12-це чистэ 14-цес Татарстан Республикань Казань ошсо мольсь чувашонь, маринь, удмуртонь, эрзянь ды мокшонь кельтнень коряс республиканской олимпиадась. Эйкакштнэнь содамочист ваннынзе и минек ёнксонь тиринь келень тонавтыцясь Александр Данильчев. Пелькстамось мольсь «Дуслык» тонавтомань ды шумбрачинь витемань центрасонть. Содамочинь невтеме сакшность Татарстан Республикань 77 тонавтницят. Тевтнень ваномо ульнесть тердезь комсь кавто тиринь келень тонавтыцят Удмуртиясто, Чувашиясто, Марий Элстэ, Мордовиясто. Мерема, олимпиадась аштесь зярыя этапсто. Пелькстамось мольсь ансяк сеть тонавтницятнень ютксо, конат уш кармасть улеме сех превеекс васняяк школьной, седе тов муниципальной этаптнэсэ. Колмо часонь перть эрьвантень эрявсь топавтотомс аволь шожда заданиятнень. 2017-це иестэ Мордовиянь ды Татарстанонь образованиянь министрерстватнень ютксо кемекстазь соглашениянть коряс, тиринь келень коряс олимпиадасо изницятненень истя жо мереви невтемс пря тиринь келень ды литературань коряс регионютконь пелькстамосонть, конась карми ютавтозь даволковсто Мордовиясо. Содазь Мордовияв содамочинь невтеме сыть ниле ломанть, конат кармасть изниякс Татарстансо эрзянь ды мокшонь кельтнень коряс олимпиадасонть.