«Казачий круг» фольклоронь весе Россиянь фестивалень кочкамонь пельксэсь ютась Равчиресэ! (эрзя)
Самара ошонь «Нефтяник» культурань кудосо гайгиця вайгелест ды мазый киштемаст невтизь Самара, Пенза, Киров ёнкссто ды Мордовия Республикасто сыцятне. 13-це регионсто весень кенярдовтызь «Казачьи зори» Рузаевкань буестэ раськень морокурось ды «Казачий край» Лямбирень буень Атемар велестэ киштемань ансамблясь. Весементь мельга вансь жюрись, козонь совасть: Юрий Наумкин – Гнесинтнэнь лемсэ Россиянь музыкань академиянь хоровой ды сольной народной морамонь кафедрань доцентэсь, жюринь прявтось, ды Самара ёнкссо культурасо содавикс важодицятне: Евгений Бухалов, Елена Гусева, Ирина Ермакова, Александра Митряева. Теде башка фестивальсэ ютавтозель морамонь коряс тонавтома ды тувор экшсэ кортамо. Прявт казнесь – Гран-прись максозель «Борчане» Самара ёнкссто морамонь куронтень. Сундерьковонь 16-це чистэ морыцятне невтьсызь эсь вайгелест Московсо покш концертсэ, конань ютавтсы Надежда Бабкинань прявтсо «Русская песня» государственной академической театрась.