«Каргонь ки» спектакльсь. (Спектакль «Журавлиная дорога») МОКША
Республиканскяй някань театрась аделазе эсь сезононц эрзянь драматургть Василий Брыжинскяйнь «Журавлиная дорога» пьесанц мархта. Артисттне аноклазь сонь Сяськомань шити. Пьесаса кепсеви военнай темась. Сюжетса шовордавсть марса эряфонь событиятне и ефксоннетне, мзярда ушедыхть корхтама жувататне и нармоттне. Тя и, шарьхкотьф, спектакльсь аноклаф иттненди. Ломанть и природать шовордамац пьесаса тиф пяк удалафста: артисттне и някатне эряйхть фкя сценическяй пространстваса, налхкомшовор, но теждяста полафневи декорациятнень вельде, аш кодамовок ширмат. Каргонь полгать лангс ляцендсть крез мархта оцю кшнинь нармоттне. Синь ашезь ужяльде карга лефкскять. Сон прай модать лангс и пови эрзянь вели, коса эряй тядянц и алянц мархта Бориска цёранясь. Моли войнась. Аляц Борискань туй фронту, а цераняти мярьгонди лездомс тядянцты и ваномс карга лефкскять мельге. Но войнать песта аляц шавови. Нармоннясь пчкяй и войнада меле каркне мрдасть, сявозь мархтост эсь лефкскяснон и церанять Борискань лийфтсазь эсь каргонь кигаст алянц мархта васедема. И сон верондай, што алянц ваймоц изь ту тяштень каргонь кити, а лезды сятненди, кие лядсь эряма модать лангс. И инь ёмлатне шарьхкодьсазь, што войнань стака кизотнень солдатоньке тюрсть врагть каршес, шавондовсть минь цебярь эряфоньконь инкса.