Кадетской класстнэнь ютксо волейболонь турнир. (Турнир по волейболу среди кадетских классов) ЭРЗЯ

Саран ошонь 32-це номер школасо ютась кадетской класстнэнь ютксо волейболонь коряс турнир. Сисем командат идесть школаст те пелькстамосо. Турнирэнь ютавтыцякс кармась МР-со «Воин» силовой структурань ассоциациясь. Истямо турнир ассоциациясь ютавты васенцеде, сонзэ смустезэ-седе келейгавтомс кадетской движениянть, невтемс эйкакштнэнень, сынст тетятнень-аватненень, кода паро тонавтнемс кадетской классо. Те школасо «Воин» ассоциациянть вановтонзо ало пурназельть кавто кадетской класст. Сы иестэ арсеви панжомс ещё кавто. Эряви меремс – те пелькстамось ютась ассоциациянь кубоконть лангс. Турнирэнь пурныцятнень валост коряс, те кубокось карми паро примерэкс кадетской класстнэнь туртов. Колмо призовой таркатнень кисэ изницятненень грамотадо башка явозельть казнеть – «Полигон 13» военной лазертагов сертификатт. Теде башка эрьватась пелькстыцятнень эйстэ казезель шнамонь конёвсо. Изницякс те пелькстамосо кармась Саран ошонь 11-це школась, омбоцесэнть -8, колмоцесэнть – 32! Тешкстасынек, те школасо «Воин» силовой структурань ассоциациясь курок шкане карми ютавтомо ещё вейке покш мероприятия. Кодамо – невтьсынек седе тов минек выпусктнэсэ.