К 65-летию со дня рождения поэта, журналиста Николая Снегирёва (эрзя)
Ёроков поэт, содавикс журналист, чевте седей ломань. Аштемковонь 28-це чистэ Николай Снегирёвонь чачома чистэнзэ саезь топодсть 65 иеть. Тень коряс Полежаевень музейсэ ютавтовсь ледстнемань чокшне. Николай Снегирёв чачсь Нижегородской областень Сеченовской райононь Кочетовка велесэ. Тиринь ёнксонтень, перть- пельксэнтень вечкемась, велень эрямонь стакачитне талновтсть те ломаненть нурька эрямонзо перть. Весе арсеманзо, мелензэ сон невтсь произведениятнесэ, конат кадыть ловныцятнень оймесэ а нардавиця тешкс. Ёвтама, поэтэнть эрямозо кеместэ сюлмазь Мордовия республиканть марто. Огарев лемсэ университетэнть прядомадо мейле Николай Снегирев ушоды важодеманзо Ардатовань райононь газетасо. Тосо жо васенце эскельксэнзэ журналистикасо теи низэ, Лидия Григорьевна. Корты, шнамонь валт пельдензэ марсесть а пек сеедьстэ , теке марто ушодыця сермадыцятненень, журналистнэнень сон лездась виде ки лангс арамонтень, шкинемаст кастомантень-кепетемантень. Эрямонзо перть сонзэ лиссть ансяк 5 книганзо, весе сынь невтезь выставкасо, кона пурназь Полежаевнь музейсэ. Ледстнемань чокшнес пурнавозтне, конатнень ютксо Николай Александровичень малавиксэнзэ, ялганзо, однокурсникензэ евтасть ламо лембе валт сондензэ кода кеме мирдеде , ероков сермадейде, виев журналисттэ ды паро, чевте седей ломанде. Тешкстама, зярыя иеде теде икеле кемекстазель Николай Снегиревонь лемсэ литературань премия, кона максови од сермадейтненень, кинень 30 иеде седе аламо.