Ижевскойсэ ютась Григорий Чайников масторонь келес удмуртонь содавикс артыцянтень ледстнема чокшне (ЭРЗЯ)
Чокшнентень удмурттнэде башка пурназельть финнэнь-угрань лият раськень вейсэндявкст. Сынст ютксоль «Умарина» Удмуртиясо эрзянь вейсэндявксось ды «Валдо лей» фольклоронь ансамблясь. Покшчинь пурныцясь – Григорий Чайниковонь ялгазо ды шкинеманзо вечкицязо, удмуртонь артыцясь Станислав Антипов. Покшчинь ютавтомань смустезэ – лемдямс Ижевск ошонь од микрорайонсо Григорий Чайниковонь лемсэ куро, конась кемексты ды карми ванстомо ломаненть лемензэ, шкинеманзо ды покш путовксонзо Удмуртиянь арт-культурас. Покшчинь программанть лувсо ютавтозель пресс-конференция, невтелмань панжома ды мельстуиця концерт Удмуртиянь содавикс фольклоронь ансамблятнень марто, конатнень ютксо гайгсть эрзянь мороткак.